Наступили священные месяцы. Чем ты будешь занят? Қасиетті айларда не істейсің?

жіберуші Ізгілік Нағиев

http://timurrr.co.cc/wp-content/uploads/2009/08/islam1.jpgМұсылман әлемінде қасиетті айлар басталды. Биыл қасиетті ережеп айы 3 маусымнан басталады. Оқырмандарды осы мейраммен құттықтаймын. Баршамызға кәміл иман тілеймін. Жаратушымыз тілеген дұға тілектерімізді қабыл етсін. Аллаға тәуекел!

Төменде қазақша Ислам сайттарынан жинақталған мағлұматтарды оқыңыздар:

Ескерту: Мағлұматтар қысқартылып берілген, толық мағлұматты мекені көрсетілген сайттардан оқи аласыздар.

Бүгінде адамзат баласының 85 пайызы Миләди күнтізбесін пайдаланады екен. Ал хижра күнтізбесін кейбір мұсылман елдері ғана қолданатын болып шықты.

Мұсылман күнтізбесінің бір ерекшелігі,хижри айлар белгілі мезгілде тұрақты қалыптаспаған,олар жылдың төрт мезгілінде де келе береді.Мысалы,Рамазан айы.Құрбан айт мерекесі бірде қыс айларында келсе,кейде жаз айына да кезек беріп отырады. Егер бұларды есептесек,жыл бойы кезектесіп келетін айлар дәл сол айға қайта айналып келуі үшін отыз үш жыл уақытты талап етеді екен.


Пайғамбарымыз 13 ай есебін 12 ай есебіне келтіріп,бір жүйеге түсірген. Бұл жайында Құран Кәрімде:»Расында Алланың қасында көктер мен жерді жаратқалы Алланың кітабындағы айлардың саны-12.Бұлардың ішінде төртеуі-харам айлар.Міне осы тура есеп»-делінген(Тәубе сүресі,36 аят). Бір таңқаларлығы, Құран Кәрімде «Шәһрун»(ай) сөзі 12 рет кездессе,»әл-Яум»(күн) сөзі де 365 рет, «әл-Әйям» (күн сөзінің көпше түрі) яғни бір айда келетін күндердің саны 30 рет келтірілген. Мұның барлығына бір жылда қанша ай,қанша күн бар және әр ай қанша күннен тұратынын адаи баласы қасиетті кітаптардан алғанын көрсетеді. Әрине, мұның сыры,даналығы Ұлы Жаратушы Аллаға тән.

Ал енді хижра күнтізбесін тарамдап айтар болсақ,ол былай болады:

  1. Мұхаррам -айы. Мұсылмандардың жаңа жылы осы айдан бастау алады. Пайғамбарымыз(с.ғс):»Рамазан айынан кейінгі ең керемет ораза Алла-тағаланың айы мұхаррамда тұтқан ораза»,-деп айтқан. Сонымен қатар бұл айда Ашура күні бар. Пайғамбарымыз(с.ғс):»Ашура күнінде отбасы мүшелеріне қамқорлық жасаған кісіге, Алла тағала жыл бойы қамқорлық жасайды»,-деген.
  2. Сапар – айы. Хижра жылы бойынша екінші ай болып есептеледі. бұл айда әрбір мұсылман Құранды толық оқып (қазақша да болады) шыққан абзал.
  3. Рабиуләууәл-айы. «Раби» сөзі араб тілінде көктем деген мағынаны білдіреді. Осы айдың 12-ші күнінде Мұхаммед пайғамбар дүниеге келді. Осы күні мұсылмандар «Мәуліт» кешін атап өтеді.
  4. Рабиулахир- айы. Хижри айларының төртінші әрі рабиуләууәл айының жалғасы.
  5. Жәмәзиуләууәл- айы. Ертеректе бұл айды «тәубе айы» деп те атаған екен. Сондықтан бұл айды да басқа айлардағы сияқты әрбір күнімізді құлишылықпен өткізгеніміз жөн.
  6. Жәмәзиулахир- айы. Бұл айдан кейін тағы да қасиетті үш ай келеді.
  7. Режеб- айы. «Режеб» сөзі араб тілінде «айбарлы болу»,»дайындалу».»ілтипат» деген мағыналарды білдіреді.Кейбір деректерде «режеб» сүттен ақ, балдан тәтті әрі салқын жұмақ өзенінің аты екендігі айтылады. Пайғамбарымыз(с.ғс):»Кімде-кім қасиетті айларда (Зилқағда,Зилхижжа,Мұхаррам және Режеб) үш-үш күннен ораза ұстаса, амал дәптеріне тоғыз жүз жылдық ғибадаттың сауабы жазылады»,-деген. Бұл айда қасиетті екі түн бар-рағайып(бұл режеб айының алғашқы жұма күні) және Миғраж (бұл режеб айының 27 күні).
  8. Шағбан- айы. «Шағбан» пайдалы жол деген мағына білдіреді. Пайғамбарымыз(с.ғс):»Шағбан айы кіргенде нәпсілеріңді тазартыңдар да, игі істерге ниет етіңіздер»,-деген. Бұл айда періштелердің екі мейрамы «Бәраат» пен «Қадір» түндері бар.
  9. Рамазан- айы. Бұл айда мұсылмандарға ораза ұстау парыз. Қасиетті Құран Кәрім де осы айда түсе бастаған. Мұнымен қоса мың айдан да қайірлі қадір түні бар.
  10. Шәууәл айы. Шәууәл «жоғарылату» деген мағынаға ие. Бұл айда рамазан айтының үш күні бар.Хадисте:»Кімде-кім Шәууәл айында 6 күн ораза ұстаса, жыл бойы ораза ұстағандай болады»-деп айтылған.
  11. Зилқағда айы. Имам Мүслимнің риуаят етуі бойынша:Пайғамбарымыз(с.ғс) өмірінде төрт рет умра қажылық жасаған болса, соның үшеуін осы айда жасаған»,-деген.
  12. Зилхижжа айы. Қажылық маусымы осы айда жүзеге асып, Аллаға тәкбір айтылып, құрбандық шалынады.

Міне, әр айдың қадір-қасиеті осы. Бұл айларда болатын атаулы күндерді елеп, ескергеніміз жөн-ақ.

Ақпарат көзі: Қ. Марат. http://islamdini.ru/publ/kazahwa_makalalar/bilgenge_marzhan/khizhra_ajlaryny_ereksheligi_nede/13-1-0-1138

————————————————————————————————————————————

Құранда он екі ай аталып, оның төртеуі құрметті айлар екендігі ескертілген.

قال انس رضي الله عنه صمت اذناي ان لم اكن سمعته من رسول الله صلي الله عليه وسلم . لطيفه : الاشهر الحرم اربعة / وخيار الملائكة اربعه / وافضل الكتب المنزلة اربعة / واعضاء الوضوء اربعة / وافضل التسبيح كلمات اربعة / سبحان الله – والحمد لله – ولا اله الا الله – والله اكبر وعماد الحساب اربعة : احاد وعشرات ومئات والوف . والاوقات اربعه : الساعة واليوم والشهر والسنة وفصول السنة اربعة : ربيع – وصيف – وخريف – وشتاء . الطبائع اربعة : حرارة – وبرودة – وبيوسة –ورطوبة … والخلفاء الراشدين اربعة : ابو بكر – وعمر – وعثمان – وعلي رضوان الله عليهم

Бірде Әнәс (р.а.): егер де Пайғамбарымыздан (с.ғ.с.) естімесем екі құлағым керең болсын деп мына төмендегі хадисті естігенін білдіреді: «Құрметті ай төртеу, таңдаулы періште төртеу, ең абзал кітап төртеу, дәреттің парызы төртеу, тәсбихтың жақсысы төр-теу: «Субханаллаһ, уәлхам-дулилләһ, уә лә иләһә иллаллаһ, уаллаһу әкбәр», есеппен санау төртеу: «бір-бірлеп, он-ондап, жүз-жүздеп, мың-мыңдап», уақыт мөлшері төртеу: «сағат, күн, ай, жыл», жыл мезгілдері төртеу: «көктем, жаз, күз, қыс», ауа райы төртеу: «ыстық, суық, құрғақ, ылғалды»… Әділетті халифалар төртеу: «Әбубәкір (р.а.), Омар (р.а.), Осман (р.а.), Әли (р.а.)». (Имам Ғазали, Мукәшәфәтул қулуб 290 бет). Ал, қазақта «төрт құбылаң тең болсын», «төрт көзі түгел» деген тіркестер де бекерден-бекер айтылмаса керек.

«Ережеп – Алланың айы, шағбан – менің айым, рамазан – үмметімнің айы», – деген. Сондықтан, бұл айлардың қадірін біліп, босқа өткізіп алмай, Алланы көбірек еске алып, біліп-білмей істеген қателеріміз үшін кешірім сұрап, тәубеге келіп, Құран оқып, ілім үйренумен өткізгеніміз жөн. Төрт халифаның бірі Омар (р.а.) әр күні кешке өзінен: «Бүгін Алла үшін не істедім?» – деп сұрайтын. Яғни, әрбір адам күнде кешкісін Алла үшін не істегені жөнінде өзінен-өзі есеп алып отыруы керек.

Осылай өзімізден есеп алу арқылы, қысқа өмірімізді мәнді өткіземіз. Бұл айда ерекше істеген игі істерімізді тек бір Алланың разылығын табу мақсатында ғана жүзеге асырған дұрыс. Ал, «күнәларымызды кешірсін, ауыруымызға шипа берсін, қарыздарымыздан құтқарсын, кемшіліктерімізді толықтырсын, әлсіздерімізді қуаттандырсын, тіпті тозақтан қорғап, жәннатқа кіргізсін» дегеннен де бұрын «Алла өзің ғана бізге риза бола гөр» деп тілеген жөн. Егер де Алла разы болса, барлық ісіміз оңалады деген сөз.

Сөз соңында Пайғамбары-мыздың (с.ғ.с.) мына бір хадисін айта кеткенді жөн көрдік: «Бес түн бар дұға қайтарылмайтын, ережеп айының бірінші түні, шағбанның ортаңғы түні, жұма түні, екі айт түнде-рінде», – деген. Сондықтан, мол дұға жасауды ұмытпайық.

Алла тағала қасиетті айлар мен қадірлі түндерде жасалған құлшылық, ғибадаттарымызды қабыл еткей! Әмин!

Алтынбек ҰТЫСХАНҰЛЫ,
ҚМДБ-ның Уағыз-насихат бөлімінің бас маманы

Ақпарат көзі: http://www.muftyat.kz/index.php?newsid=4215

 

Оригинал поста по этому адресу

Advertisements

Пікір қалдыру

Fill in your details below or click an icon to log in:

WordPress.com Logo

You are commenting using your WordPress.com account. Log Out / Өзгерту )

Twitter picture

You are commenting using your Twitter account. Log Out / Өзгерту )

Facebook photo

You are commenting using your Facebook account. Log Out / Өзгерту )

Google+ photo

You are commenting using your Google+ account. Log Out / Өзгерту )

Connecting to %s

%d bloggers like this: